Главная / Сиёсат / Шавкат Мирзиёев Игорь Шуваловни қабул қилди

Шавкат Мирзиёев Игорь Шуваловни қабул қилди

Ўзбекистон Президенти Шавкат Мирзиёев 23 август куни Россия Федерацияси ҳукумати Раисининг биринчи ўринбосари Игорь Шуваловни қабул қилди, деб хабар қилди давлат раҳбари сайти.


Давлат раҳбари меҳмонни Ўзбекистонга ташрифи билан қутлар экан, Игорь Шуваловни Иқтисодий ҳамкорлик бўйича қўшма ҳукуматлараро комиссиянинг Россия томонидан раиси этиб тайинлангани билан табриклади.

Учрашувда икки мамлакат ўртасида амалий ҳамкорликни ривожлантириш, шунингдек, юқори технологияли соҳалардаги инвестицион лойиҳалар ва янги истиқболли дастурлар ижросини жадаллаштириш масалалари муҳокама қилинди.

Игорь Шувалов самимий қабул учун давлат раҳбарига миннатдорлик билдириб, Россия Федерацияси Президенти Владимир Путин ва ҳукумати раиси Дмитрий Медведевнинг салом ва эзгу тилакларини изҳор этди. Ҳукумат раисининг биринчи ўринбосари Россия Ўзбекистон билан кенг кўламли ҳамкорликни бундан буён ҳам стратегик шериклик ва иттифоқчилик руҳида ривожлантириб, мустаҳкамлаб боришга тайёр эканини таъкидлади.

Ҳаққимизда

Яна маълумот

6fvCIm15058712876225_b

Аждодларимизнинг донишмандлик анъаналарига амал қилиб, қатъий ислоҳотларни амалга оширмоқдамиз

Шавкат Мирзиёев БМТ Бош Ассамблеясидаги нутқида Ўзбекистоннинг янги қиёфасини яратиш, ташқи сиёсатнинг устувор йўналишлари ва терроризмга қарши кураш усулларини қайта кўриб чиқиш зарурлиги тўғрисида сўзлади.