Buyuk britaniya o’zbekistondagi yangi islohotlarni k’o’llab-k’uvvatlaydi — o’zbekiston

Buyuk Britaniya O’zbekiston Prezidenti Shavkat Mirziyoev boshlagan islohotlar dasturini k’o’llab-k’uvvatlaydi. Bu hak’da Buyuk Britaniya tashk’i ishlar vazirining o’rinbosari Alan Dunkan davlatimiz rahbari bilan uchrashuvda ma’lum k’ildi, deb xabar berdi O’zA.
Alan Dunkanning ta’kidlashicha, uning mamlakati O’zbekistonning yangi rahbariyati bilan O’zbekiston — Britaniya o’rtasidagi serk’irra hamkorlikni mustahkamlash va yanada kengaytirishga tayyor ekanini ta’kidladi.
Uchrashuvda O’zbekiston — Buyuk Britaniya hamkorligining barcha yo’nalishlari yuzasidan atroflicha fikr almashildi. Savdo-ik’tisodiy va investisiya sohalaridagi hamkorlikni faollashtirish yanada muhim ahamiyat kasb etishi ta’kidlandi. Ayni paytda O’zbekiston ik’tisodiyotining turli tarmok’larida Buyuk Britaniya kapitali ishtirokida tuzilgan 544 korxona faoliyat yuritmok’da.
Tomonlar madaniy-gumanitar hamkorlikning bugungi holatini, jumladan, Toshkentdagi Xalk’aro Vestminster universiteti, Kembrij universiteti ishtirokidagi Yuk’ori texnologiyalar markazi hamda Britaniya kengashi vakolatxonasining faoliyatini yuk’ori baholadi. O’zbekistonda, aynik’sa, yoshlar o’rtasida ingliz tilini o’rganishga k’izik’ish ortib borayotgani inobatga olinib, ushbu yo’nalishdagi hamkorlikni yanada kengaytirishga kelishib olindi.