Даврон файзиев: «уртамиёналар синдроми панд берди» — узбекистон

Кеча гул олиш учун дуконга кирдим. Бир зумда уша ернинг узида сотувчилар ва харидорлар иштирокидаги Чемпионлар лигаси уйинларига багишланган ток-шоу бошланиб кетди. 8 март харакатлари билан югуриб юрган эркаклар сал футбол билан чалгидик. Ёши катта бир сотувчи отахон савол бердилар:
— Болам, сан яхширок биласан-ку, «Барселона» нима киларкин бугун? (бу савол отахон «Барса»га эканлигини билдирарди)
— Ютади, менимча…
— Э, рахмат, шунака деб тур, буёгдагилар уйин масаласи хал булган, деб бошимни котириб утиришибти. Шуларга «болеть» киламан…
Очиги, ютади деб шунчаки жавоб уйини натижасини назарда тутгандим, отахоннинг кайфиятини туширмаслик учун «галаба козонгани билан, чика олмаса керак», деб гапимни давом эттирмадим. Яхшиям давом этмаган эканман.
Уйин тугагач уша диалог эсимга келди. Отахон хам мени эслаганлари аник ??
Бундай фантастик уйинларнинг яна бир зур тарафи — айнан учрашув олдидан ва тугагандан кейинги мухокама хамда бахслардир. «Барселона»га мухлислик киладиган дустларимни табриклайман! ПСЖнинг муаммоси эса — «Барселона»га карши автобус услубидаги химоявий услуб билан уйинни бошлаганидир. Гап шундаки, «Барса» деярли хар хафта Испания Ла Лигасида «автобус»чиларга карши уйнайди ва бундай ётиб оладиган клубларни маглуб этиш буйича мутахассис булиб кетган. Эмери мураббийлик фаолиятининг катта кисмини Ла Лигада утказган ва унда Камп Ноудаги уртача жамоалар синдроми сакланиб колибди. Яъни майдонга тушмасдан рухан маглуб булиш.
Нима булганда хам тарихий уйинга гувох булдик, мазза килдик!
Даврон ФАЙЗИЕВ,
«УзРепортТВ» телеканали шархловчиси