Ечл. финал. бугун ювентус — реал мадрид! — узбекистон

Бугун Европада мавсумни якунлаб берувчи энг сунгги уйин булиб утади. Лекин кандай уйин бу?! Кухна китъанинг энг нуфузли мусобакаси голибини аниклаб берадиган уйинга бахсин кандай жамоалар етиб келишди?!
«Реал» Европа чемпионлар лигасини анчайин «узиники» килиб олди. Мадридликлар, нихоят, ЕЧЛни кетма-кет 2 марта ютиб чиккан дастлабки клубга айланиши мумкин. Бунинг учун Зидан шогирдларида барча имконият бор. Мавсум сунггига келиб «Кироллик клуби» яхши формага кирди, футболчиларнинг барчаси ажойиб формада. Факат ЕЧЛ финали олдидан юзага келган 2 хафталик оралик жамоани уйин ритмидан бироз узоклаштириб куймаган булса булган. Назаримизда, ундай эмас, аксинча, Зидан жамоани ута мухим учрашувга максадли тайёрлай олган.
«Ювентус» хам ушбу мавсумда йулида учраган ракибларни аяб утирмади. Туринликларда Европанинг камдан-кам жамоаларига насиб этган «требл» килиш имконияти бор. «Какса синьора» Италия томонларда хам чемпионлик, хам кубокни кулга киритиб булди. Энди навбат — Европа чемпионлар лигасига. Метин химоя ва ишончли дарвозабон хар кандай жамоанинг асабини эговлаши аник. «Ювентус»да жамоавий уйин яхши шаклланган, клуб хам яхши уйин тонусида. Яна бир марта харакат килинса, нихоят, Буффон бошчилигидаги йигитлар китьанинг бош совринига эга чикишади.
Хуллас, бизни жуда кизикарли уйин кутиб турибди. Ким голиб чикса, бунга хакли равишда эришади. Бир-бирига мос жамоалар.
Демак, бугун Уэльс пойтахти — Кардифф шахри. «Миллениум» стадиони. Тошкент вакти билан 23:45. Учрашувни биргаликда томоша киламиз. Сайтдан узоклашманг, матнли онлайн трансляцияни бизда кузатиб боринг. Хаммаси ажойиб булади.