Президент осиё инфратузилма инвестициялари банки президентини кабул килди — узбекистон

Узбекистон Президенти Шавкат Мирзиёев 8 август куни мамлакатда амалий ташриф билан булиб турган Осиё инфратузилма инвестициялари банки (ОИИБ) президенти Цзинь Лицюнни кабул килди, деб хебер берди УзА.
Учрашув чогида Узбекистон Республикасида умумий киймати 2,7 миллиард доллар булган истикболли лойихаларни — сув хужалиги объектларини модернизация килиш, энергетика инфратузилмасини ривожлантириш, замонавий автомобиль йуллари куриш, темир йулларни электрлаштириш ва пойтахт метрополитени тармогини кенгайтириш ва бошка лойихаларни амалга оширишга доир узаро манфаатли хамкорликни ривожлантириш масалалари мухокама килинди.
Кушма лойихаларни амалга оширишга хусусий инвестицияларни тугридан-тугри жалб килиш механизмини яратиш буйича хамкорлик имкониятлари мавжудлиги алохида таъкидланди.
Осиё инфратузилма инвестициялари банки президенти Цзинь Лицюнь Президент Шавкат Мирзиёевга самимий кабул ва узаро манфаатли шериклик муносабатларини ривожлантиришни куллаб-кувватлагани учун миннатдорлик изхор этди. Банк Узбекистон билан узок муддатли ва кенг куламли хамкорлик килишга тайёр эканини алохида таъкидлади.
2015 йилда ташкил этилган ва бош кароргохи Пекинда жойлашган ОИИБ 57 та иштирокчи давлатни узида бирлаштирган булиб, ташкилотнинг устав капитали 100 млрд долларни ташкил этади. Бугунги кунда банк дунёнинг турли мамлакатларида 17 инвестиция лойихаларини молиялаштиришда фаол катнашмокда.
Узбекистон 2016 йилнинг ноябрь ойида банкни таъсис этиш тугрисидаги битим доирасида давлатнинг ички тартиб-таомилларини бажарди ва ушбу халкаро молия институтининг тенг хукукли аъзоси булди.