Санжар турсунов: нима учун мени терма жамоага таклиф килмаётганини самвел бабаяндан сурайман — узбекистон

Украинанинг «Ворсла» клубида уйнаётган Санжар Турсунов анча вактдан бери терма жамоага таклиф этилмаяпти. У аввалрок йигинларга келса хам, расмий уйинларда деярли майдонга туширилмади. Хамюртимиз украиналик мухбирга берган интервьюсида узбек ва Осиё футболи хакидаги саволларга жавоб берди.
— Кандай сабабга кура сизни Узбекистон терма жамоасига таклиф килишмаяпти?
— Сабабини билмадим, аммо 3 ойдан бери чакиришмаяпти… Бош мураббий Самвел Бабаян билан хали гаплашмадим. Шунчаки таклиф килишмади. Март ойида таклиф килишганди. Кейинчалик уйинларда танаффус юзага келди. Сентябрда эса таклифнома келмади. Имкон булганда Бабаяндан бу хакда сурайман.
— ЖЧ-2018 саралаши доирасида булиб утган сунгги уйинда Узбекистон 1:0 хисобида олдинда бораётиб, Жанубий Кореяга ютказиб куйди. ЖЧга чикиш учун яхши имконият хосил килишингиз мумкин эди.
— Адолат учун айтишим керак, кореяликлар куп голли вазиятларни юзага келтиришди. Аммо уйин борасида бизникилар ютказишмади. Бизга бироз омад етишмади. Корея тажриба эвазига ютиб кетди. Корея сафида Англия Премьер-лигасида уйнайдиган — Сон Хеунг Мин, Ли Чон Йонг, Ки Сон Йонг каби футболчилар бор. Кореяликлар билан узаро уйинларимиз алохида мавзу. Уйда яхши уйнаймиз, аммо сафардаги уйинларда кутилмаган голларни утказиб юборамиз. Уйда Жанубий Кореяни маглуб этишимиз керак.
— Узбекистон — Осиёнинг бешинчи-олтинчи жамоаси, десак буладими?
— Туртинчи. Япония, Жанубий Корея ва Австралиядан кейин.
— Унда нима учун Узбекистон хали бирор марта хам Мундиалга чикмаган?
— Утган сафар бизга битта гол етмай колганди. Жанубий Корея сунгги уйида Эронга ютказган — 0:1. Агар дуранг уйнаганда хам Бразилияга биз борардик, Эрон эмас.
— Осиёда катта таъсирга эга булган терма жамоалар борми? Осиёда хакамлик масаласи кандай?
— Атайлаб кимнидир «кулогидан» судрашмайди. Лекин, 4 йил аввал Эрон билан уйнаганимизда, хакамлар бизнинг тоза голимизни инобатга олмаганди. Доимо бизнинг зараримизга адашадиган 1-2 нафар хакам бор. Умуман олганда, хакамларнинг савияси юкори. Бизнинг жахон даражасидаги хакамимиз бор — Равшан Эрматов. Мен уни жахоннинг энг яхши хаками деб биламан. ФИФАда хам унинг обруси юкори.
— Хитойнинг кутарилишига нима халал бермокда? Клублар даражасида «Гуанчжоу Эвергранд» сунгги 3 йилда икки марта Осиё чемпионлари лигасида голиб чикди.
— Хитой терма жамоаси 2-3 йилдан бери кутарилишга эришмокда. Уйлайманки, улар усишда давом этишади. Хитой чемпионати хакида эса гапирмаса хам булади.
— Нариги гурухда Австралия, кутилмаганда, Япония ва Саудия Арабистонига ютказди. Бу сенсациями ёки табиий холат?
— Агар Австралия Таиланд билан дуранг уйнаганида, албатта, бу катта сенсацияга айланарди. Австралия терма жамоаси жуда кучли. Австралияда уйнаш кийин. У ерга етиб боргунча, барча иштиёк улиб булади. Осиё кубогига бориш учун БААдан Сиднейгача 16 соатда етиб боргандик.
— Осиёликларнинг Австралияга муносабати кандай?
— Салбий. Ахир бу Осиё, унда Австралия булмаслиги керак. Аммо Австралияни Осиёга кушиб куйишди, бунга хамма рози булди. Бундан ташкари, азоб берадиган парвозлар кимга керак? Масалан, Японияга 2-3 баравар тезрок етиб олиш мумкин.
— Узбекистон узининг энг яхши натижасига Осиё кубоги-2011да эришган. Жамоа туртинчи уринни эгаллаган, хаммаси яхши эди, аммо кандай килиб Австралияга 0:6 хисобида ютказгансизлар?
— Шундай кунлар буладики, ракибнинг барча зарбаси голга айланади. Хисоб 0:3 ёки 0:4га етганидан кейин, биз йирик хисобдан кутулиб колиш ва мухлисларни хурсанд килиш учун олдинга ташлангандик, аммо карши хужумда яна иккита гол утказиб юборгандик.
— Узбекистон якин орада Осиё кубогини узида кабул килишни истамайдими?
— Хозирча бундай режа йук. Лекин мухлислар буни орзу килишади. Бир-иккита стадионлар курилса, мезбонликка даъвогарлик килса булади.