Супер класикода месси барсага галаба келтирди! — узбекистон

«Эл-класико», кутилганидек, ута кизикарли, шиддатли ва курашларга бой утди. Бунакасини тасаввур килиш хам кийин эди. Аммо эл-класико, суперуйин, суперкласико!
Хакамнинг бахснинг 2-дакикасидаёк пенальти белгилаши мумкин эди. Олис масофадан етказилган тупни Карвахаль унг канотдан жарима майдончасига етказди. Роналдуга тупга етди ва Умтити Криштианунинг оёгига тепиб юборди. Португалиялик футболчи йикилди, аммо хакам пенальти белгилашга жазм этмади.
Булим урталаригача хар иккала жамоа бир нечта хужумлар ташкил килган булса-да, мадридликларнинг хужумлари хам сон, хам хавфлилик жихатдан сифатлирок булди. Марк-Андре тер Штеген намойиш килиб берган бир нечта сэйвлар «кук-анорранглилар»ни бир нечта голлардан куткарди.
Шунга карамай, учрашувнинг 28-дакикаси хисоб очилди. Бурчакдан етказилган узатмани Тер Штеген мушт билан уриб юборди. Марсело тупни дарвозабон майдончасига кайтарди. Рамоснинг оёк билан зарбасидан кейин туп устунга тегиб, нариги томонга кетди. Каземиро буш дарвозани ишгол килди!
Утказиб юборилган голдан кейин Энрике шогирдлари тезда узларига келишди, «Реал» эса химоя хакида уйлай бошлади. Шу боис булса керак, «кук-анорранглилар» хисобни тенглаштиришлари учун 5 дакика кифоя килди. «Барселона» уз услубида киска паслар оркали комбинация ташкил килди ва Месси жарима майдончасига кириб келиб, хисобни тенглаштирди!
Хисоб тенглашганидан кейин устунлик каталонияликлар томонига утиб кетди. Мессининг узида 2 марта яхши имкониятга юзага келди. Аммо унинг зарбаларига бироз аниклик етишмади.
Иккинчи булим эса бутунлай фантастика, драматика ва яна кандайдир жанрлар остида кечди. Таймни «Мадрид» шиддат билан бошлади. Бензема 5-6 метрдан бош билан берган зарбани Тер Штеген оёклари билан кайтарди. Иккинчи 45 дакикаликда Кейлор Навас хам роса тер тукишига, сэйвлар сонини кескин оширишига тугри келди. Сэйвлар серияси Алькасернинг зарбасидан кейин бошланиб кетди.
Эътиборли томони, Навас Пикенинг 2та ута хавфли зарбаларини кайтаришга муваффак булди. Суареснинг якин масофадан берган зарбаси-чи? Бундан сэйларни санаб саногига етиб булмади.
Криштиану Роналду майдонни голсиз тарк этди. Португалиялик футболчи Асенсионинг узатмасидан кейин буш дарвозани ишгол эта олмади. Туп юкорига кутарилиб кетди.
Иван Ракитич эса «каймокранглилар»ни жазолади. Хорватиялик футболчи жарима майдончаси ташкарисидан чап оёкда аник зарба бериб, «Реал» дарвозасини ишгол килди.
Орадан 4 дакика утиб, «Реал» майдонда бир киши булиб колди. У Мессининг оёгига хавфли ташлангани боис, тугридан-тугри «кизил» билан «сийланди. Ана шу паллада Пике уйин такдирини хал килиб куйиши мумкин эди. Аммо бирга бир вазиятда якин масофадан берилган зарбани Навас кайтаришга муваффак булди.
Шундан кейин «Барселона» бироз бушашди. «Реал» эса камчиликда уйнаётганига карамай, хисобни тенглаштирди. Марсело чап канотдан етказган узатмани Хамес якин масофадан дарвозага жойлаб куйди.
Бу кеча «Барселона»га галаба козониш насиб этган экан. Кушиб берилган дакикалар утиб бораётганида Серхи Роберто майдоннинг узига тегишли кисмида «Реал»нинг 3 футболчисини алдаб утиб, уз жамоасига катта устунликни яратди. Альба чап канотдан етказган узатмани Месси дарвозага жойлаб куйди!
Ушбу галабадан кейин Луис Энрике шогирдлари уз очколарини 75тага етказишди, узаро уйин ва туплар нисбатига кура «Реал»дан олдинга утиб олишди. Мадридликларда битта захира уйини бор. Чемпионат тугашига 5 тур колди. Хали хаммаси олдинда!
Испания Ла лигаси, 33-тур
23 апрель, 23:45.»Сантьяго Бернабеу»
«РЕАЛ МАДРИД» — «БАРСЕЛОНА» 2:3
Голлар: 1:0 – 28 Каземиро, 1:1 – 33 Месси, 1:2 – 73 Ракитич, 2:2 – 85 Хамес, 2:3 – 90 Месси.
Реал Мадрид – Навас, Карвахаль, Начо, Марсело, Рамос, Кроос, Модрич, Каземиро (Ковачич, 70), Бэйл (Асенсио, 39), Бензема (Хамес, 82), Роналду.
Барселона – тер Стеген, Пике, Умтити, Альба, Серджи Роберто, Бускетс, Ракитич, Иньеста, Пако Алькасер (Андре Гомеш, 70), Суарес, Месси.
Огохлантиришлар: Каземиро (12), Умтити (39), Ковачич (81), Месси (90).
Четлатиш: Рамос (77).