Хайрулла хамидов маколаси: улуг она — узбекистон

Эртага “Наполи” Неаполда “Реал”ни кабул килади. Биринчи уйиндаги натижа ушбу бахсни хам шиддатли утишига ишорат килади. Мана шу лахзада негадир мен Марадонага боглаб эътироф этиладиган шахар жамоасини эмас, балки Италия футболини куксида ушлаб турган клуб хакида гапирмокчиман. Кизим, сенга айтаман, келиним, сен эшит, дегандек. Кетдик булмаса…
Габриэль Гарсия Маркеснинг “Улуг Она жанозаси” хикоясида Макондо халкининг онасига айланган зотнинг кумиш маросими хакида суз боради. Халк бой Онани катта дабдаба остида кумиш оркали аслида бошка холатга шаъма килади: “У энди кайтиб келмайди. Кайтмайдиган одамни хохлаганча эъзозлаш мумкин, бу билан унинг обруси ошар, локин бу бизга зарарсиздир, аксига олиб, Онанинг бор мероси бизга насиб этгач, унга умрбод ода айтиб утсак хам булаверади!”
2006 йилги “Ювентус”ни Италия ахли шундай кузатиб куйди. А Серия Буюк Онадан айрилган Макондони эслатарди. Турин суперклубига энг каттик жазо тайинланиши остида унинг элита сафига жуда узок даврлар кайта олмаслигига чиройли ишорат хам ётарди. Энди буёгига “Интер” ва “Рома”ларнинг куни тугди, деб юборди ушанда хамма.
Аммо… Буюк Она жуда тез кайтди. Кунларнинг бирида “Макондо ахли” урнидан уйгонадию, бор меросини халкка ташлаб кетган Она турвахалтасини кутарганча уларга караб кулиб тургандек булди. Тамом, хамманг таркал, жаноза бекор килинади!
Тарихан буюк жамоаларнинг факат узигагина хос булган кандайдир сифати булади, хеч сезганмисиз? Кимгадир асрлар давомидаги баркарорлик, кимгадир хар кандай холатда хам хужумкорлик позицияси, кимгадир иродали футбол, кимгадир эса хеч качон таслим булмаслик сифати… Айнан шу сифат билангина эсга олинадиган булиб колади уша жамоалар. Хозирги мавзу бошка клубларга алокаси булмагани учун “Ювентус”нинг узи хакида гапира колай, а?!
“Кекса синьора”даги буюклик жихатларини мен СИНМАСЛИК сифатида кураман. Тарихан салохиятли булган Турин клуби шу сифат билан намоён булаверади куз унгимда. Сувга ташласа, титилиб кетган парлардан бирлашиб пайдо буладиган махлукка, утга ташласа, тутунлардан яна зебрага айланиб оладиган жонзотга ухшатавераман “Юве”ни. Чохга улоктирса хам, йиллаб ярасини даволайдиган ва мухим жанг олдидан урмонга кайтадиган рембосифат клуб тимсолида кураман уни. Хар доим. Таниганимдан буён. Кизиги, бу сафар хам шундай булди. Фильмнинг нечанчидир кисмида такрорланаётгандек, давоми яна уша услубда ишлангандек туюлди менга.
Утган йилни эсланг. Дахшатли чемпионликдан барчанинг хабари бор, албатта?! Бу чемпионлик олдингиларидан шу кадар жиддий фарк киладики, бунисидаги жозиба ва кулминацион нукта бутун Европани шошириб куйди. Жамоа мавсумни шармандаларча бошлаган, биринчи давра урталарида турнир жадвалининг охирларида борган, пешкадамлардан 15 очколаб ортда кетаётган холидан бошланган юришнинг интихоси булди бу финиш!!!
Узига келиб олиш билан тезлик олган “Юве” шу кунгача тухташ нималигини билмади. Ёввойи шиддат ила узидан тепада турганларга караб хам утирмади. Тепага караб учаверди, учаверди…
… Пастдан “кекса синьора” келаётганини куриб, кайтанга “наполи”ю, “рома”лар довдирашга тушди.
… Шундок пастга караганда “Юве”ни курган “интер”лар дудукланишга утдилар.
… Аллегри жамоаси эса, ердан оловли шарчада кутарилган ва узок сайёралардан бирига байрок тикишга учиб кетаётган мультфильм кахрамонини ёдга солардики, бу учишни охиригача куриш хаммага завкли эди. Утган хафта уша байрокча “скудетто” деган сайёрачага михлаб, болтлари билан бураб ташлаб, урнатилди!
Хар бир мамлакатнинг икки хил “халк жамоаси” булади. Бири, чет элликлар учун юртнинг юзи вазифасини бажарса, иккинчиси, миллий футбол менталитетининг шаклланишига асос булади. “Ювентус” Италия футболининг фитратини белгилаб берувчи клуб хисобланади. А серия жамоаларига караганда купрок мамлакат терма жамоасига ухшайдиган клуб! Аникроги, “скуадро адзурра”нинг ядроси. Европа майдонларидаги натижаларидан кура, мамлакат ичкарисидаги курсаткичлари яхширок. Асосий эътибор кайси томонга караб кетганини курсатади энг мухим жихат бу…
Ва кизик томони шуки, “Юве”нинг натижалари хам, уйинлари хам, курсатадиган хунарлари хам мовий гвардиячиларнинг узгинаси. Чемпионликни хам бошкаларга имкониятлар бериб нишонлашию, исталган турнирни кандайдир гайритабиий холатлар билан тарк этишларигача ухшайди. Мамлакат терма жамоаси катта натижаларни кулга киритган даврларида хам айнан шу клуб вакиллари терманинг асосини ташкил этганини айтмай куя колай.
“Ювентус” утган йили хам ёмон уйнамади, айнан бу йилгисини нима учун куп таъкидлаяпсан, десангиз, айтаманки, утган йили хали буткул пишиб етилмаган ТИРИЛИШ эди. ЕЧЛ финали ва бу йилги ишончли уйинлар асосидаги чемпионлик “Юве”ни росмана эски холига кайтара олди, дейишимизга ёрдам беради. Биз билган “Ювентус” мана шу! У ростан кайтди! Бутунлай!
Аслини олганда, хозирги “Ювентус”нинг кайта тирилиши Турин ахлинигина эмас, итальян халкини хам шодлантириши керак. Римлик болакайлар хам ичида хурсанд булишлари лозимки, Италия терма жамоасига буладиган таъсир айнан Европа чемпионатидан олдин бу мамлакатга жуда хам даркор эди.
Албатта, “Ювентус”нинг ЕЧЛда хам муваффакиятга эришадиган даврлари кайтиб келиш учун унга ракобатдош клубларнинг уйгониши хам талаб этилади. Биргина жамоа билан бутун мамлакат футболи ислох булиб колиши мушкул. Асосий ишни айнан “Ювентус” бошлаб бериши кутилган эди, у шу ишни килди. Буёгига энди, ЕЧЛда купрок зафар кучишни биладиган бошка италян жамоалари хам кузини очса – кифоя, караб турибсизки, асримизнинг бошларидаги даврлар яна куз олдимизда-да! Шу шарафли ишга бугун “Милан” ва “Интер” эмас, балки “Наполи” якин турибди.
“Хуш, ракиб куркинчли “Реал” булса, бизга нима? Биз Италия деганда “Ювентус”ни тасаввур килишларини истамаймиз, биз хам тирикмиз!!!”
Бу сузларни неаполлик йигитлар Марадонанинг овозида укиб куришлари керак. Балки ухшаб колар-а нихоят?!

Хайрулла Хамидов