Жан-клод ван дамм тошкентга келмайди, стивен сигал ташрифи кутилмокда — узбекистон

Таникли Голливуд актёри Жан-Клод Ван Дамм ва аралаш яккакурашлар жангчиси Жефф Монсон 9 сентябрь куни Тошкентда булиб утадиган Asian Fight 2017 халкаро турнирига келмайди. Актёр ва жанг санъатлари устаси Стивел Сигал ушбу тадбирнинг фахрий мехмони булади.
Мусобака матбуот хизмати рахбари Жамшид Хожиакбаров чоршанба куни булиб утган брифингда Жан-Клод Ван Дамм соглигидаги муаммо сабабли мусобакага кела олмаслигини маълум килди.
«Афсуски, Жан-Клод Ван Дамм Узбекистонга келмайди. У огир касалликка чалинди. Ёрдамчисининг бизга маълум килишича, у хозир Лос-Анжелесда. Ван Дамм Узбекистонга келишдан бош тортди ва уз узрини билдирди», — деди Жамшид Хожиакбаров.
Унинг айтишича, актёр билан шартнома тузиб булинган. Шунингдек, олдиндан гонорари ва самолёт учун чиптаси туланган, мехмонхонадан жой банд килинган эди. «Хозирча пулларимиз унинг хисоб ракамида колмокда. Бу хакда биз бугун кечкурун билдик. Унинг урнига номзод кидириб, Стивен Сигалда тухтадик. Биз у билан шартнома туздик», — дея маълум килди у.
Америкалик ММА жангчиси Жефф Монсон масаласида эса унинг шартномаси Жан-Клод Ван Даммнинг келиши билан боглик булган. «Жефф Монсон билан тузилган шартномада Узбекистонга у Ванн Дамм билан бирга келиши курсатилган эди. Бирок актёр келмаганидан сунг Монсон билан тузилган шартнома хам бекор килинади», — дея таъкидлади Жамшид Хожиакбаров.
Унинг сузларига кура, мухлислар истаса чипталарни кайтариб олишлари мумкин. «Агарда ишкибозлар факатгина Жан-Клод Ван Дамм учун чипта харид килган булса, биз муаммосиз уларни кайтариб беришимиз мумкин. Агарда узбек спортчиларини куллаб-кувватларини исташса, уларни 9 сентябрь куни кутамиз», — деди матбуот хизмати рахбари.
Махмуд Муродов.
Узбекистонлик аралаш яккакурашлар жангчиси, World Kickboxing Network талкини буйича интерконтинентал чемпион, Caveam талкини буйича жахон чемпиони, XFN талкини буйича жахон чемпиони Махмуд Муродов мухлисларни булиб утажак мусобакада узбекистонлик спортчиларни куллаб-кувватлашга чакирди.
Asian Fight 2017 мусобакаси 9 сентябрь куни пойтахтдаги «Бунёдкор» стадионида булиб утади.