Жанубий корея терма жамоаси боши берк кучада — узбекистон

Жахон Чемпионати саралаш боскичидаги ракибимиз — Жанубий Корея терма жамоаси боши берк кучага кириб колган. Бош мураббий Ули Штиликенинг истеъфога чикарилиши ортидан хали-хамон терма жамоа сари отилаётган танкид тошлари тухтамаяпти.
5 сентябр куни Тошкентда терма жамоамизга карши уйин хал килувчи ахамиятга эга булиши таъкидланаяпти. Бунинг учун Узбекистон 5 сентябрга кадар ораликда утадиган Хитойга карши сафар уйинида маглуб булмаслиги шарт булиб колади. Куни кеча Жанубий Кореянинг етакчи газеталаридан саналган «Ханкук Илбо» нашри: «Гурухда 3-уринда колиб кетишимиз эхтимоли бизни нариги гурухга назар солишга ундайди. 1-дан 3-урингача булган барча жамоалар биз учун юмшок килиб айтганда «кутурган шердан хавфлирок». Биз эса Узбекистоннинг Хитой сафарида кокилишига умид киламиз», деб ёзади.
Катарга карши учрашувда корейсларнинг «юраги» саналган «Тоттенхем» (Англия) аъзоси Сон Хеунг Мин жарохат олганлигидан хабарингиз бор. Футболчи Катар билан уйинда унг кулининг тирсак кисмидан жарохат олган эди. 16 июнь куни Сон Сеулдаги касалхоналарнинг бирида операциядан чикди. Шифокорлар унинг 8 хафтагача гипсда юриши лозимлигини айтишган. Катта эхтимол билан ушбу футболчи Эрон ва Узбекистонга карши уйинларни утказиб юбориши мумкин. Акс холатда хам унинг сунгги уйинларга юкори формада кела олмаслиги ойдинлашяпти.
Шунингдек, Жанубий Корея терма жамоаси бош мураббийи ким булиши хам хозирча очик турибди. Купчилик ушбу уринга терма жамоани 2010 йилги Жахон чемпионатига олиб борган Хо Жонг Му номзодини лойик кураётган эди. Лекин хозирда Корея Футбол Ассоциацияси вице-президенти сифатида фаолият олиб бораётган 62 ёшли Хо Жонг Му бу хабарларни инкор этди. Жанубий Кореянинг етакчи мураббийларидан саналган Хонг Мюн Бо номзоди хам урганилмокда. Лекин хозирча ушбу мураббий бу хабарга муносабат билдирмаган. Корейс футболидаги купчилик мураббийлар ушбу калтис вазиятда терма жамоани кабул килиб олишни исташмаяпти. Якин кунларда корейслар янги бош мураббий номини эълон килишлари кутилмокда.
Отабек Йулдошев,
Жанубий Корея, Сеул