Бир кузли хужумчи ва бошка футбол афсоналари хакида 11 факт — узбекистон

Миллионлар уйини тарихида кузатилган куплаб вокеалар хали-хануз мухлисларни хайратлантириб келади. Айникса, афсонага айланган футболчилар хакидаги маълумотлар баъзан кишилар юзига табассум югуртирса, бошка сафар гамгинликка сабаб булади. Бугун худди шундай фактлар хакида суз юритамиз.
ГАРРИНЧА
Бразилия азалдан куплаб буюк футболчиларни дунёга танитган — Пеледан тортиб, Зикогача, Ромариодан Роналдогача, улар орасида Роналдиньо ва Неймар хам бор. Шунингдек, ушбу руйхатга Гарринчани хам киритиш мумкин. Тулик исм-шарифи Мануэль Франсиску дус Сантус булган истеъдодли вингернинг хаётида диккатга молик вокеалар кузатилган. У полиомиелит хасталиги таъсирида куплаб нуксонларга йуликкан. Хусусан, умуртка деформациясидан азият чеккан, колаверса, бир оёги иккинчисидан олти сантиметр калта эди. Шифокорлар Гарринчанинг бинойидек кадам ку-йишига шубха остида карай бошлаган пайтда у профессионал футболчига айланди.
Жорж БЕСТ
Шимолий Ирландия футбол афсоналари етиштириш билан мактана олмайди. Аммо ушбу мамлакатдан чиккан Жорж Бестнинг буюклиги шубхадан холи. Буни карангки, «Манчестер Юнайтед»даги фаолияти оркали ном козонган юксак иктидорни ёмон курувчилар хам топилган. Айнан шундай шахслардан бири 1971 йили биринчи дивизион вакиллари «Ньюкасл» ва «Манчестер Юнайтед» уртасидаги бахс арафасида полиция­га кунгирок килиб, уйин пайтида Бестни отиб улдиришини айтган. Футболчига шу захоти таваккал килмай, уйнамасликни маслахат беришди. Бирок Жорж хавфсизлик чораларини кучайтириш шарти билан майдонга тушишга карор килди. Бунинг сабаби суралганида, у югураётган чоги нишонга олиш кийин булишини таъкидлаган. Учрашувдан сунг Бест авваллари бунчалик куп югурмаганини тан олган.
Харальд БОР
Математик ва футболчи атамаларининг узаро богликлигини хадеганда кузатавермаймиз, аммо Харальд Бор айнан шу икки касбга бевосита алокадор булган: 1908 йилги Олимпиада уйинлари кумуш медали сохиби, етук олим, машхур физик Нильс Борнинг укаси.
Одатда, математиклар олдида бирор тезисни исботлаш вазифаси турса, буни бир гурух кишилар каршисида амалга оширишади. Бирок Бор шусиз хам амаллади: кейинчалик маълум булишича, аудиториядагиларнинг аксариятини ишкибозлар, айрим кисминигина олимлар ташкил этган. Шу тарика ниманидир исботлашга хожат колмаган.
Уильям ФУЛК
Бугунги кун футболчиси — бу юкори формадаги профессионал атлет. Авваллари талаблар бунчалик катта эмасди. Ёки бошкача айтганда, аксарият уйинчилар спортчиларга хос ташки куриниш борасида кайгуришаётган паллада Уильям Фулк сиймосидаги истиснолар хам учраган.
Хар кандай футбол энциклопедиясининг кахрамонига айланган кипер «Шеффилд Юнайтед», «Челси» ва «Брэдфорд» сафида 411та уйинда майдонга тушиб, хаттоки, Англия термаси дарвозасини куриклашга хам улгурган. Унинг 152 кг. вазнга эга эканлиги эса мазкур холатда асло халал бермаган.
Бунинг натижасида унга «Бакалок» деб лакаб куйишган. Фулк уз вактида ишончли дарвозабон сифатида чемпионликка эришиб, икки марта Англия кубогини боши узра кутарган. Дарвоке, у кейинчалик профессионал крикет билан шугулланишга хам улгурган. Лакаби эса Уильямни асло ранжитмаган: «Мени кандай чакириш сизга хавола… асосийси, тамаддига чакиришни унутманг!».
Берт ТРАУТМАНН
Германияликлар харбий асири булган Траутманн Манчестерни жуда ёктиргани туфайли Англиядан куним топишга карор килган. Бу бироз галати, аммо вокеа шу билан якун топмаган: бир сафар у уйинда майдонга тушиб, буйнидан жиддий жарохат олган. Мазкур вокеа 1956 йили Анг­лия кубоги финалида руй берган. Берт туп сураётган «Манчестер Сити» «Бирмингем»га карши туп сураётганда, дарвозабон ракиб уйинчиси Питер Мёрфи билан тукнашиб, шикастланган. Аммо Траутманн шундай холатда хам бахсни охиригача утказиб, якунда 3:1 хисобидаги галабага муносиб улуш кушган.
Гильермо СТАБИЛЕ
Фамилияси баркарорликни англатувчи хужумчи олти йил кадрдон юрти Аргентинада туп сургач, 1930 йили «Женоа» сафига кушилди. Гильер­мо уша йили утказилган жахон чемпионатида энг яхши тупурарга айланиб, итальянлар эътиборини узига каратганди. кизиги шундаки, Стабиле бунга кадар мамлакати термасида уйнамаганди, кейинчалик хам миллий жамоада туп сурмади. Туртта уйин ва саккизта голнинг барчаси унинг учун ягона булган мундиалда кайд этилган. Бошка китъага кучиб утиш карори эса уни термадаги жо­йидан махрум килганди.
Роберт ШЛИНЦ
Тарихда огир жарохатдан сунг муваффакиятга эришган футболчилар куп учраган, аммо улар орасида германиялик Роберт Шлинц алохида ажралиб туради. 1948 йили уйин утказиш учун стадионга йул олган хужумчи хотиржам тарзда кулини автомобиль ойнасидан ташкарига осилтирганча кетар экан, кутилмаганда унинг бошкарувидаги машина уйдим-чукурга тушиб, агдарилади. Халокат окибатида кулни кесиб ташлашга тугри келди. Шу билан Шлинцнинг фаолияти якун топгандек эди, аммо футболчи нафакат турт ойдан сунг майдонга кайтди, балки «Штутгарт» сафида икки карра мамлакат чемпионлигини кулга киритиб, уч марта терма жамоа либосида туп сурди. Робертнинг такдирига кизикишни орттирадиган яна бир факт хам бор: миллионлар уйинига кириб келишидан аввал, аникроги, Иккинчи жахон уруши пайтида укотар куролдан отилган ук унинг жагини жарохатлаган.
Боб ТОМСОН
Бошка спорт турларида булгани каби, футболда хам куз билан чамалаш мухим ахамият касб этади. Буни кимдир инкор этиши мумкин, факат… «Челси»нинг афсонавий хужумчиси Боб Томсон эмас. Ушбу футболчи фаолиятининг аксар кисмини бир куз билан утказган. Жиддий жарохат унга болалигидан мерос колганди. Натижада Томсон 83та уйинда 23та гол уришга эришди. Эътиборлиси, ушбу курсаткичларнинг барини нотинч пайтлар — 1915 ва 1917 йиллар оралигида кайд этган. Боб туп кузи курмайдиган тарафдан келса нима килиши хакидаги саволга киска-лунда жавоб кайтарган: «Иккинчи кузимни хам юмиб, хотирамга таяниб уйнайман».
Хью МАКЛЕНАХАН
Бир футболчи учун ун миллионлаб пул сарфланишига аллакачон куникиб улгурганмиз, аммо шундай паллалар хам булганки, трансфер учун валюта ишлатишга хожат колмаганди. Хусусан, 1927 йили «Манчестер Юнайтед» «Стокпорт Каунти» футболчиси Хью Макленаханни сотиб олиш учун муз­каймок тулдирилган музлаткич берган. Нега айнан музлаткич? Чунки уша пайтдаги мураббий ёрдамчиси Луис Рокка музкаймок ишлаб чикарувчи фирма эгаси сифатида муваффакиятли келишувга эришганди. Бу хариддан «МЮ» асло афсусланмади — Макленахан «кизил иблислар» сафида 112та уйин утказди.
Конгодаги учрашувнинг 11 катнашчиси
1998 йили Конгода утказилган камтарона уйинда майдонга урган яшин мазкур учрашув катнашчиларини хакикий афсонага айлантирди. «Басанга» ва «Бена Тшади» клублари уртасида кечган бахс пайти руй берган вокеадан сунг мехмон жамоа аъзоларининг барчаси халок булди. «Басанги»дан эса хеч ким шикастланмади. Беллашувни бевосита стадиондан кузатаётган мухлисларнинг 30 нафари турли даражадаги куйиш жарохатини олишган булсада, курбонлар кузатилмади. Одатда, конголиклар табиий офатларни сехр-жодуга боглашади. Шу боис, мухлисларнинг аксарияти хозиргача уша бахсдаги фалокатга ракиб жамоа сабабчи булганига ишонишади.
Лев ЯШИН
Футбол тарихидаги, шубхасиз, энг яхши голкипер. Акс холда, «Олтин тупни» кулга киритган бошка дарвозабонни танийсизми? колаверса, футбол тарихи ва статистикаси Халкаро федерацияси Яшинни XX асрнинг энг яхши посбони, деб топган. Ушбу кипер фаолияти давомида Москванинг «Динамо» клубида 326та, собик иттифок термасида 74та уйин утказган. Ушбу статистикада диккатга молик жихат йукдек… агар шу вакт мобайнида кунига турт кути тамаки чекканини инобатга олмасак. Хаттоки, 1956 йилги Олимпиада уйинлари арафасида Хиндистонга борганида фил унинг сигаретини угирлаган. Афтидан, шу жонивор хам зарарли иллатга карши чиккан. Албатта, тамаки истеъмоли согликка жиддий зиён етказади ва ушбу факт Яшин мисолида хам уз исботини топди. Кашандалик одати иктидорли дарвозабонни ошкозон ярасига етаклади ва бу хасталикдан куп азият чекди.