Ватан шарафини химоя килишнинг гашти бошкача. australian open‘да сенсация курсатган денис истомин хакида — узбекистон

19 январни бутун Узбекистон спорт байрамидек утказди. 30 ёшли Денис Истомин фаолиятидаги энг яхши учрашувларидан бирини утказиб «Улкан тож» туркумига кирувчи турнирларнинг сунгги йиллардаги гегемони, жумладан Australian Open мусобакасининг 6 карра голиби Новак Жоковични мусобакадан чикариб юборди. Бу галаба Денисни киска муддатда дунёнинг энг машхур теннисчига айлантирди. Хеч бир муболагасиз айтилаётган гап бу. Биргина твиттер ижтимоий тармогининг узида жахон трендига Istomin атамаси биринчи уринга-да чикиб кетди. Бутун дунё унинг галабасини мухокама килди.
Бир кунда шу кадар катта машхурликка эришган спортчи хакида нималарни биламиз? Денис Истомин дунёнинг энг кучли теннисчини маглуб этишгача булган даврда кандай йулларни босиб утган? Рейтингда 117-уринда була туриб бундай натижага эришиш учун кандай спортчи булиш керак? Бугун юкоридаги барча хусусиятларни узида жамлаган, Узбекистон спорти тарихидаги энг яхши теннисчи хакида гаплашамиз.
Денис ва Узбекистон
Денис 1986 йилда Россиянинг Оренбург шахрида тугилган. Аммо у кандайдир молиявий бонуслар сабаб Узбекистон шарафини химоя килиб колмаган. Унинг отаси Олег Истомин аслида Узбекистон фукароси булиб, Денис тугилган пайтда у Оренбургда ишларди, Денис уч ойлик булганида оила яна уз ватани Узбекистонга кучиб келади ва Денис шу ерда, Тошкентда улгаяди. Шу сабабдан хам Денис кайси юрт шарафини химоя килиши кераклигини ортикча уйлаб утирмаган. Албатта Дениснинг бугунги муваффакиятлари замирида Узбекистон теннис федерациясининг кумаги хам катта булганини таъкидлаш уринли.
2001 йилда Истомин Фьючерс таснифидаги турнирлардан бирига кетаётганида автофалокатга учрайди. Фалокат натижасида у каттик жарохат олади. Шифокорлар унга энди хеч качон профессионал теннисга кайта олмаслигини айтади. Кулига ракеткани хам ушлай олмай колган Денисга Узбекистон теннис федерацияси ёрдам кулини чузади. Дениснинг даволаниб, тикланиши учун барча молиявий харажатларни уз буйнига олади. Хали жахон микёсида айтарли хеч нарсага эришмаган 15 яшар бола учун курсатилган бу каби куллаб-кувватлаш катта кахрамонлик эди. Йиллар утиб Денис федерация адашмаганини исботлади ва уларга миннатдорчиликни уз натижалари билан кайтариб берди.
Денис Истоминни чин маънода ватанпарвар дейиш мумкин. У узининг юрти деб Узбекистонни билади ва бу юрт шарафини химоя килишдан хеч качон буйин товламаслигини айтиб келган. Бир йил мукаддам россиялик журналистларга интервью бераркан, Денис теннисчининг шахсий манфаати учун хеч нарса бермайдиган Девис кубогида нега бот-бот иштирок этаверишини жуда чиройли жавобда ифодалаб утади.
«Дэвис кубоги шундай мусобакаки, чиндан хам у теннисчига хеч нарса бермайди — на рейтинг очколари ва на пул. Сен шунчаки, уз Ватанинг шарафини химоя киласан. Бундай вазиятда инсондаги ватанпарварлик хисси синовдан утади. Шу боис мен хеч качон мазкур мусобакадан бош тортган эмасман. Хаттоки бу менинг режаларимга, соглигимга зарар келтирса хам. Боз устига, кетма-кет уч кунлик уйинларда холдан тоясан. Масалан, якинда (2015 йил, куз) биз америкаликлар билан куч синашдик ва Санкт Петербургдаги турнирга хам чарчок аломатлари билан етиб келдим. Аммо хеч киси йук. Чунки уз Ватанингда кортга чикишнинг гашти бошкача. Бу — ишкибозларга алохида завк багишлайди. Улар сенга чин дилдан, астойдил мухлислик килишади. Сен эса уларга ёкадиган уйин курсатишга интиласан. Шундай экан, Ватан номидан кортга чикканингда кандайдир зарар хакида уйлаб утириш ортикча», деганди Истомин «Чемпионат» мухбирининг саволига жавоб кайтара туриб.
Ирода — галаба гарови
2003 йилда Денис хаммани хайратга солади ва катта спортга кайтишга муваффак булади. Шифокорлар уни спортдан кайтариш учун канчалик уринишмасин, теннисга булган мухаббат унга куч багишлайди. Машгулотларга тулик киришиб кетган спортчи, орадан икки йил утиб илк марта узи иштирок этган турнирда галаба козонади. 2005 йилдан бошлаб шу кунга кадар «Фьючерс» ва «Челенжер» каби турнирларда у жами 15 марта бош совринларни кулга киритган.
Аммо профессионал теннисда муваффакиятлар асосан АТР таснифидаги мусобакалардаги галаба билан улчаниши сабаб, Дениснинг том маънода муваффакиятли теннисчи дейиш учун унга шундай соврин етишмаётганди. Нихоят 2015 йилнинг ёзига келиб, Денис 29 ёшида АТР таснифидаги турнирларда узининг илк галабасига эришди. Ушанда Британиянинг Ноттингем шахридаги чимли кортларда кечган турнир финалида америкалик Сэм Куэррига карши уйинда Истомин 7/6, 7/6 хисобида галаба козонганди. Иккинчи сетнинг тай-брэкида 1:5 хисобида имкониятни бой бериб турган Денис ирода курсатиб уша вазиятдан хам чикиб кетган ва галабани уз томонига огдиришга муваффак булганди. У АТР таснифидаги турнирларда юзтадан ортик учрашувда галаба козонган ягона узбекистонлик теннисчи саналади. Шунинг узиёк Дениснинг узбек тенниси тарихидаги урни кай даражада эканини курсатиб беради.
Албатта 15 йил мукаддам содир булган машъум вокеа асоратлари халигача бор. Денис жуда куп марта уша вокеадан колган жарохатидаги огриклар сабаб уйинларни бир хил савияда утказа олмайди. Куп марта жарохати сабаб уйинни, мусобакаларни якунлашга мажбур булган, лекин хар гал узини кайта тиклаб сафга кайтаверади, курашаверади. Унинг теннисдаги сунгги 10 йили худди шундай утмокда. Шу холатида хам у 2012 йилда АТР рейтингида 33-урингача кутарилишга муваффак булган.
Она-бола жуфтлиги
Денис беш ёшидан бошлаб теннис билан шугулланиб келган булса, хозирги кунгача унга онаси, собик теннисчи Клавдия Истомина мураббийлик килиб келади. Денис автофалокатга учрагач, унинг спортга кайтишида энг катта далдани берган хам айнан Истомина булади. Бугунги кунда Денис уз онаси мураббий булган ягона теннисчи саналади. Денис интервьюларида хазил аралаш, онасининг мураббийлиги унга иктисодий тарафдан хам енгиллик беришини айтади. «Ортикча пулга мураббий ёллаб нима килдим», деганди шундай интервьюларининг бирида. Клавдия Дениснинг деярли барча учрашувларида унга елкадош булишга харакат килади. У Куэррини маглуб этганда хам ва кеча Жокович устидан козонилган галабада хам Истомина углини юкоридан туриб куллаб-кувватлаб турди. «Жамоамга, онамга миннатдорчилик билдирмокчиман. Она биз жуда яхши ишладик», деди Истомин кечаги буюк галабадан кейин.
Australian Open йулланмасини такдим этган миллиметрлар
Кандайдир миллиметрлар иш бермаганида бугун Дениснинг сенсацияси хакида гапириб утирмаган булардик. Гап шундаки, утган йилнинг декабрь ойида Австралия очик чемпионатиига wild card (асосий турга йулланма) ютиб олиш учун Осиё ва Тинч океани минтакаси вакили сифатида утиш турнирида катнашган Истомин аввалига хиндистонлик Пражнеш Гуннешваранга карши кортга чикканди.
Ракиб уйинни ютиб олиш учун учталик матч болга эга булганида Истомин уша матч болларни бартараф этишда битта зарбаси корт чизигининг канчадир миллиметрларини илиб колади. Хамма аут булди деб кутиб турганида такрорий лавхаларда Дениснинг зарбаси кортга тушгани курсатади. Кейинчалик хисобни тенглаштирган Истомин учинчи сетда 11:9 хисобида ракибини енгган, финал учрашувида эса кореялик келажаги порлок деб каралаётган Док Хи Лидан устун келганди ва йулланмани кулга киритганди.
Топ-теннис
Денис Жоковичга кадар факат бир марта АТР таснифида топ-10таликка кирган теннисчидан устун келган. 2012 йилда Индиан-Уэллсдаги турнирда уша пайтда рейтингнинг 5-урнини эгаллаб турган Давид Феррерни маглубиятга учратилганди. Истомин шунингдек бугунги кунда жахоннинг 4-ракамли ракеткаси булиб турган швейцариялик Стэн Вавринкани хам 2010 йилги Уимблдон мусобакасида маглубиятга учратган. Бирок у пайтлари Станислас эндигина бугунги муваффакиятли йулига кадам ташлаётганди ва купчилик учун номаълум теннисчи эди.
Денис топ ракибларга карши учрашувларда бошка муваффакият козонмаган булсада, уларга карши учрашувларнинг алохида эпизодларида муносиб уйини туфайли куп бора эсга олинади. Мисол учун 2014 йилда Денис Истомин Новак Жоковичга карши уч сетда бой берилган уйинда айнан хал килувчи сетнинг геймларидан бирини ажойиб тарзда утказгани учун «идеал утказилган гейм» унвонига муносиб курилганди. Бундан ташкари Рафаэл Надалга карши US Open мусобакасидаги уйинлардан бирида ижро этган зарбаси учун федерация томонидан музлатгич билан такдирланган.
Денис асосий вактини мусобакаларда утказишига карамай, Москвада хам Тошкентда хам уз уйига эга. Интервьюларининг бирида каерда купрок яшайсиз, деб берилган саволга у, «иккаласида хам кам буламан, чунки асосан вактим машгулотлар, мусобакалар, сафарлар билан утиб кетади. Дэвис кубоги вактида эса Узбекистонда купрок буламан», деб жавоб берганди.
twitter. com/murodov_