Тер штеген — барселона ишончи — узбекистон

“Барселона” мавсумни бир текис утказа олмай келмокда. Мавсум давомида кутарилиш ва пасайишлар кузатилди. Бу даврда каталонияликлар сафида узини бир маромда курсатиб келган ягона уйинчи – Марк Андре Тер Штеген булди.
“Барселона” хар доим дарвозабон масаласида муаммоларга дуч келган. Дютруэлдан тортиб Карлос Роагача, бу ерда Виктор Валдесни хам эслаб утиш жоиздир. Киска килиб, “Барса” намунали дарвозабонларга хар доим хам ёлчимаган.
“Клубдан хам ортикрок”. “Барселона”да уз урнини топиб кетиши учун дарвозабондан хам ортикрок булиши керак. Тупни ошира билиш, уйинни укий олиш, керакли пайтда дарвозани ташлаб чикиш, сунгги химоячи вазифасини уташ шулар жумласидан. Тер Штеген эса буларни хаммадан кура яхширок биладигандек. “ПСЖ”га карши “камбек”да айнан Тер Штегенга нисбатан Верратти томонидан ишлатилган куполлик 95-дакикада жарима зарбасига олиб келган ва бу вазият кейинчалик Серхи Робертонинг голи билан якун топганди.
“Барселона” посбони булиш бу илк тупни оширувчи, уйинга ритм берувчи дегани. Уйинга кушилиши ва айни пайтда ракиб хужумларини тухтатиши керак булади. Буни баъзан уз чизигида ёки бироз олдинда бажаришига тугри келади. Тер Штеген эса бу вазифани мавсум давомида мунтазам амалга ошириб келмокда. Ла Лига доирасида “Леганес”га карши кечган бахсда немис посбонининг хатти-харакатлари жамоасига кимматли уч очкони олиб берганди. Бирок, хар доим хам ишлар кунгилдагидек булавермайди. Тер Штеген хам хато килган вазиятлар булди.
Унинг “ПСЖ”га карши уйини кобилиятларини очиб берди. “Мюнхенгладбах”нинг собик посбони бу бахсда 32 пасни амалга оширди. Шундан 28 таси эса аник манзилига етди. Парижликларнинг бирорта уйинчиси бундай курсаткичга эга эмас. Унинг уз жамоадошларини олга бошлаши эса алохида тахцинга лойик. Хавер Маскерано у хакида уйиндан сунг куйидаги фикрларни билдириб утди: ““ПСЖ”нинг голидан кейин Тер Штеген бизга караб: “Ютамиз, ютамиз! Биз “Барса”миз дея кичкирди. Мен эса Бускетсга караб унда муаммолар бор, деб куя колдим.”
Луис Суарес эса угли немис посбонига таклид килишини айтиб утди: “Углим футболни жудаям яхши куради. У дарвозабон булмокчи, у Тер Штегенга хавас килади. Сочини Тер Штегеннинг соч турмагидай олдиради.”
Хавфли вазиятларни бартараф килиш буйича мутахассис булган Тер Штеген Футболаванзадо га кура энг яхши статистик курсаткичга эга. 13-турдан 25-тургача, “Барселона” посбони Испания чемпионатида 85.71 % билан хавфли вазиятларни бартараф этиш буйича энг яхшиси хисобланади. Бу мавсумда Луис Энрике шогирдлари орасида бир текис уйин намойиш этаётган ягона футболчи. Балки, ушбу мавсумда “Самора соврини”нинг булажак сохибидир?