Узбекистонда миграция агентлиги саралаш имтихонидаги «кучли саволлар»га изох берди — узбекистон

Узбекистон Ташки мехнат миграцияси масалалари агентлиги томонидан эълон килинган ва шу йилнинг 27-30 март кунлари Кореяда мехнат килишни хохловчиларни онлайн тарзда руйхатга олиш жараёнида 89 770 нафарга якин киши анкетани тулдирган. Ушбу 90 мингга якин кишидан 6 минг киши имтихонга киришга рухсат олиши шарт. Бу Корея томони талабидан келиб чиккан холда амалга оширилади.
3 апрель куни Ташки мехнат миграцияси масалалари агентлигининг ОАВ вакиллари учун ташкил этилган матбуот анжуманида агентлик рахбари Улугбек Назаров маълум килди.
Миграция агентлиги: бу корейс тилидан тест эмас, тестга саралаш боскичи эди
Учрашувда Назаров хохловчиларни руйхатга олиш жараёнида юз берган носозликлар хакида хам суз юритди. У, шунингдек, test-migration. uz сайтининг коникарсиз ишлаганига хам ойдинлик киритди. Унинг сузларига кура, сайт 27 март куни меъёрида ишлаган. Уша куннинг узида 19 минг киши руйхатга олинган. Назаровнинг билдиришича, 28 март кунидан носозликлар кузатилган. Бунга эхтимолий D-DOS хуружлари сабаб булган. Албатта, бу холат хозирча тахмин килинмокда, бирок дастурчилар бу каби хуружни инкор этишмаган.
Бундан ташкари, Улугбек Назаров саволлар хамда уларни тузувчилар хусусида хам маълум килди. Унинг хатоликлар булганини тан олиб айтишича, саволлар умумтаълим мактаблари, лицей ва коллеж дастурлари буйича тузилган дарсликлардан олинган холда агентлик вакиллари томонидан тузилган. Бирок, Назаровнинг укдиришича, ижтимоий тармокларда таркаган ва мухокамаларга сабаб булган баъзи “эшак неча йил яшайди?” каби мантиксиз саволлар булмаган. Агентлик рахбарининг сузларига кура, бу каби саволлар булмаганини исботлашга тайёр ва бундай саволлар уйдирма булиши мумкин. Аммо, саволлар тугалланмай колиши билан боглик холатлар мутахассислар томонидан дастурлаш чогида йул куйилган хатоликлар натижасидир.