Хиссиётлар тинчланганидан сунг. хакамнинг барселонага ёрдам берган иккита хатоси — узбекистон

Германиялик Дениз Айтекин жуда кийин уйинни бошкарди. Балки фаолиятидаги энг кийини булиши мумкин.
Дастлабки 10 дакика ичида, туп хар иккала жамоа жарима майдони ичида химоячиларнинг кулига тегди. Иккинчи булимнинг бошида, Неймар жарима майдони ичида йикилиб тушган химоячи Томас Меньега кокилиб кетди ва кулади.
Дастлаб Айтекин пенальти белгиламади. Бирок дарвоза ортида турувчи ёрдамчиси билан гаплашиб олганидан сунг, уз карорини узгартирди.
Шундан сунг, Неймар яна бир марта йикилди. Бирок бу яккол симуляция эди ва хакам бу вазиятда адашмади. Шу вактгача хаммаси яхши кетаётганди. Яккол хатолар шундан кейин юз берди.
Хисоб 3:1 булиб турганида, уйин такдирини Анхель Ди Мария хал килиши мумкин эди. Аргентиналик футболчи дарвозабон билан юзма-юз чикиб борди, аммо Маскерано уни кувиб етди.
Ди Мариянинг зарбаси аник чикмади, чунки Маскерано уни жарима мадйони ичида йикитди. Буни эса уйиндан кейин хам тан олди.
«Шубхасиз, мен Ди Марияга нисбатан коида бузган эдим. Бирок биз ПСЖни айнан шу туфайли мусобакадан чикариб юбормадик» — деди Маскерано уйиндан сунг.
Балки мана бу туфайлидир:
90-дакика, хисоб 5:1. «Барса»га яна иккита гол етишмаяпти. Месси тупни жарима майдонига, Суаресга оширди. Маркиньос кулини унинг буйнига теккизди, хужумчи майдонга йикилди. Айтекин шу захоти пенальти белгилади. Бу сафар мустакил равишда.
Кейин нима булгани хаммага аён.
Испаниялик хакам Андухар Оливер MARCA радиоси эфирида шубхаланиб утирмади: «Пенальти йук эди. Маркиньос кулини Суаресга куйиши биланок у йикилди».
Дениз Айтекин 38 ёшда, у 2008 йилдан буён Бундеслигада ишламокда. 2014 йилдан буён УЕФАнинг сара хакамлари руйхатига киради. Кечаги уйин Айтекиннинг Чемпионлар лигаси асосий боскичидаги 13-уйини булди.
«ПСЖ» вакиллари уйиндан сунг барча айбни Айтекинга тункаб утиришмади.
«Бизнинг фойдамизга иккита пенальти белгиланмади, аммо буни бахона килиб утирмаймиз» — деди клуб президенти Носир Ал-Хилайфий.
«Биринчи уйинда ажойиб натижага эришгандик, аммо бугун чоракфиналга йул олишга лойик уйин намойиш этмадик. Мен бахона изламокчимасман. Аммо Суарсега нисбатан коида бузилмаганди. Уз навбатида бизга хам пенальти беришмади. Шунда хам хакамларни айблашимиз ноурин, чунки узимиз хам яхши уйнамадик» — деди Тиаго Силва, клуб сардори.
«Хакамларнинг карорлари ПСЖга карши каратилганди. Уйин охирида эса назоратни умуман кулдан чикардик ва ютказдик» — деди Унаи Эмери.